Hymn 28

ആരാധിച്ചീടാം കുമ്പിട്ടാരാധിച്ചീടാം
ആരാധിക്കുമ്പോൾ അപദാനം പാടീടാം
ആ പൂജിതമാം രക്ഷാനാമം വാഴ്ത്തിപ്പാടാം
ആ പദമലരിൽ താണുവീണു വന്ദിച്ചീടാൻ
ആത്മനാഥാ ഞാൻ നിന്നിൽ ചേരേണം
എൻ മനസ്സിൽ നീ നീണാൾ വാഴേണം

യേശുനാഥാ ഒരു ശിശുവായ്
എന്നെ നിന്റെ മുമ്പിൽ നല്‌കിടുന്നേ
എൻ പാപമേതും മായിച്ചു നീ
ദുഃഖഭാരമെല്ലാം മോചിച്ചു നീ
ആത്മാവിൽ നീ വന്നേരമെൻ
കണ്ണീരു വേഗം ആനന്ദമായ്

സ്നേഹനാഥാ ഒരു ബലിയായ്
ഇനി നിന്നിൽ ഞാനും ജീവിക്കുന്നേ
എന്റെതായതെല്ലാം സമർപ്പിക്കുന്നു
പ്രിയനായി എന്നെ സ്വീകരിക്കൂ
അവകാശിയും അതിനാഥനും
നീ മാത്രമീശോ മിശിഹായേ