Hymn 39

പരമപിതാവിന് സ്‌തുതിപാടാം
അവനല്ലോ ജീവനെ നല്കിയവൻ
പാപങ്ങളാകവെ ക്ഷമിച്ചിടുന്നു
രോഗങ്ങൾ അഖിലവും നീക്കിടുന്നു

അമ്മയെപ്പോലെന്നെ ഓമനിച്ചു
അപകടവേളയിൽ പാലിച്ചവൻ
ആഹാര പാനീയമേകിയവൻ
നിത്യമാം ജീവനെ നല്കിടുന്നു

ഇടയനെപ്പോലെന്നെത്തേടി വന്നു
പാപക്കുഴിയിൽ നിന്നേറ്റിയവൻ
സ്വന്തമാക്കി നമ്മെ തീർത്തിടുവാൻ
സ്വന്ത രക്തം നമുക്കേകിയവൻ

കൂടുകളെ കൂടെ കൂടിളക്കി
പറക്കുവാനായ് നമ്മെ ശീലിപ്പിച്ചു
ചിറകുകളതിൻമേൽ വഹിച്ചു നമ്മേ
നിലം പരിശായി നശിച്ചിടാതെ

സ്തോത്രം ചെയ്യാം ഹൃദയംഗമായി
കുമ്പിടാം അവൻ മുൻപിലാദരവായ്
ഹല്ലേലുയ്യാ പാടാം മോദമോടെ
അവനല്ലോ നമ്മുടെ രക്ഷാകരം