Hymn 40

പാട്ടുപാടി സ്തുതിക്കാം നമുക്ക് യേശുവിൻ നാമത്തിൻ
ഹല്ലേലുയ്യാ പാടി വാഴ്ത്തിടാം എൻ രക്ഷകൻ നാമത്തിന്
പാടുവിൻ പാടുവിൻ പാടുവിൻ സ്‌തുതിപാടുവിൻ

എന്നെ പാപത്തിൽ നിന്നവൻ രക്ഷിച്ചു
എന്റെ ക്ലേശമെല്ലാം ക്രൂശിൽ വഹിച്ചു
ആത്മാവാൽ നിറച്ചെന്നെ സ്വതന്ത്രമാക്കി
സ്തുതിക്കാൻ എനിക്കവൻ കൃപയും നൽകി

യേശുതൻ കരതാരുകൾ നീട്ടി
നിത്യ സ്നേഹമോടെന്നെ വിളിച്ചു
ആത്മാവാൽ നിറച്ചെന്നെ സ്വതന്ത്രമാക്കി
സ്തുതിക്കാൻ എനിക്കവൻ കൃപയും നൽകി

ധൂർത്തനാം മനുജനെ വിളിച്ചു യേശു
തൻ തിരുമാറിലണച്ചു
ആത്മാവാൽ നിറച്ചെന്നെ സ്വതന്ത്രമാക്കി
സ്തുതിക്കാൻ എനിക്കവൻ കൃപയും നൽകി

ശിഷ്യർതൻ പാദങ്ങൾ കഴുകി യേശു
സ്നേഹത്തിൻ മാതൃകകാട്ടി
ആത്മാവിൽ നിറച്ചെന്നെ സ്വതന്ത്രമാക്കി
സ്തുതിക്കാൻ എനിക്കവൻ കൃപയും നൽകി