Hymn 47

നിൻദാനം ഞാൻ അനുഭവിച്ചു
നിൻ സ്നേഹം ഞാൻ രുചിച്ചറിഞ്ഞു
യേശുവേ എൻ ദൈവമേ
നീയെന്നും മതിയായവൻ

യേശു എനിക്കു ചെയ്ത
നന്മകൾ ഓർത്തിടുമ്പോൾ
നന്ദികൊണ്ടെൻ മനം പാടിടുമേ
സ്തോത്രഗാനത്തിൻ പല്ലവികൾ

ദൈവമേ നിന്റെ സ്നേഹം
എത്രനാൾ തള്ളിനീക്കി
അന്നു ഞാനന്യയായ് അനാഥനായ്
എന്നാൽ ഇന്നോ ഞാൻ ധന്യനായ്

എൻ ജീവൻ പോയെന്നാലും
എനിക്കതിൽ ഭാരമില്ല
എന്റെ ആത്മാവിനു നിത്യജീവൻ
എന്റെ യേശു ഒരുക്കിയല്ലോ

നിത്യത ഓർത്തിടുമ്പോൾ -എൻ
ഹൃത്തടം ആനന്ദിക്കും
സ്വർഗ്ഗീയസന്തോഷജീവിതം
വിശ്വാസക്കണ്ണാൽ ഞാൻ കണ്ടിടുന്നു