Hymn 4

പുതിയൊരു ജന്മം നൽകും പരിശുദ്ധാത്മാവേ
പുതിയൊരു ശക്തിയിലുണരാൻ കൃപ നീ ചൊരിയണമേ
പരിശുദ്ധാത്മാവേ എന്നിൽ നിറയണമേ.
നിറഞ്ഞു കവിയണമേ, കവിഞ്ഞൊഴുകണമേ

ജോർദാൻ നദിയിലന്ന് പറന്നിറങ്ങിയ പോൽ
വരദാനങ്ങളുമായ് ആഗതനാകണമേ
മാലിന്യങ്ങളകറ്റി അന്ധതയെല്ലാം നീക്കി
വിശ്വാസത്തിലുറക്കാൻ കൃപ നീ ചൊരിയണമേ.
പരിശുദ്ധാത്മാവേ എന്നിൽ നിറയണമേ
നിറഞ്ഞു കവിയണമേ, കവിഞ്ഞൊഴുകണമേ.

സെഹിയോൻ ശാലതന്നിൽ തീ നാവെന്നതുപോൽ
പാവന സ്നേഹവുമായ് ആഗതനാകണമേ.
സഹനം നിറയും ധരയിൽ ധീരതയോടെ ചരിക്കാൻ
അഗ്നിയിൽ സ്നാനം നൽകാൻ കൃപ നീ ചൊരിയണമേ.
പരിശുദ്ധാത്മാവേ എന്നിൽ നിറയണമേ
നിറഞ്ഞു കവിയണമേ, കവിഞ്ഞൊഴുകണമേ.